fbpx
Friday, June 21, 2024

દરેક વાત પર આવે છે ગુસ્સો, તો આ ટિપ્સ વડે તમારી જાતને શાંત કરો

આપણે બધા સારી રીતે જાણીએ છીએ કે ગુસ્સો કરવો એ આપણા સ્વાસ્થ્ય માટે સારું નથી. વધુ પડતા ગુસ્સાથી આપણા સ્વાસ્થ્ય પર અસર થાય છે. ગુસ્સો આવવો એ એક સ્વાભાવિક પ્રક્રિયા છે, ક્યારેક કામના તણાવને કારણે, ક્યારેક કોઈની વાતને કારણે કે ટ્રાફિકમાં ફસાઈ જવાથી કે અન્ય ઘણા કારણો છે જેના લીધે વ્યક્તિ ગુસ્સે થઈ જાય છે.

ગુસ્સો વ્યક્તિને પાગલ પણ બનાવી શકે છે. તેથી, દરેક વ્યક્તિએ જાણવું જોઈએ કે તેમના ગુસ્સાને કેવી રીતે નિયંત્રિત કરવો. જેના માટે તમે એંગર મેનેજમેન્ટ ટેકનિક અપનાવી શકો છો. આજે અમે તમને એંગર મેનેજમેન્ટ ટેકનિક વિશે જણાવીશું જેના દ્વારા તમે તમારા ગુસ્સાને નિયંત્રિત કરી શકો છો.

શારીરિક પ્રવૃત્તિ

શારીરિક પ્રવૃત્તિ પ્રથમ આવે છે, શારીરિક પ્રવૃત્તિ તમને દરેક તણાવમાંથી મુક્ત કરી શકે છે. તેવી જ રીતે, તે ગુસ્સાને નિયંત્રિત કરવા માટે પણ એક શ્રેષ્ઠ વિકલ્પ છે. જ્યારે પણ તમે કંઈક નેગેટિવ વિચારી રહ્યા હોવ, ત્યારે તમે કેટલીક સરળ કસરતો કરી શકો છો અથવા વોક પર જઈ શકો છો. તેનાથી તમે ખૂબ જ હળવાશ અનુભવશો અને તમારો ગુસ્સો થોડો શાંત થશે.

સ્ટ્રેસ મેનેજમેન્ટ ટેકનિક

કેટલાક લોકો એવા હોય છે જે નાની નાની બાબતો પર હંમેશા ગુસ્સે થઈ જાય છે. તો આવી સ્થિતિમાં સૌથી પહેલા તમારા સ્ટ્રેસ લેવલને ઘટાડવા વિશે વિચારો. જેના માટે તમારે તમારા ડેઈલી રૂટીનમાં યોગ અને મેડીટેશન કરવું, મ્યુઝિક સાંભળવું, ડાન્સ કરવો, સાયકલ ચલાવવા જેવી પ્રવૃત્તિઓનો સમાવેશ કરવો જોઈએ. આ વસ્તુઓ કરવાથી હેપ્પી હોર્મોન્સ રિલિઝ થાય છે, જે ગુસ્સાને કાબૂમાં રાખે છે.

ગુસ્સો વ્યક્ત કરો

તમારો ગુસ્સો વ્યક્ત કરો. કારણ કે ગુસ્સાને દબાવવો તમારા સ્વાસ્થ્ય માટે સારું નથી. તેથી, જ્યારે પણ તમને ગુસ્સો આવે છે, ત્યારે તમારી નજીકની વ્યક્તિ અથવા તમે વિશ્વાસ કરી શકો તેવી વ્યક્તિ સાથે વાત કરો અને તેની સાથે વાત કરવાથી તમને માનસિક શાંતિ મળશે. ગુસ્સાને શાંત કરવા માટે, 1થી 10 સુધીની ગણતરી કરો. આ તમને તમારી આંતરિક લાગણીઓને નિયંત્રિત કરવામાં મદદરૂપ થાય છે. આ સાથે તમે ધીરજ રાખતા પણ શીખો છો.

સ્ટ્રેસ બોલ ઉપયોગી થશે

ગુસ્સાને શાંત કરવા માટે તમે સ્ટ્રેસ બોલની મદદ લઈ શકો છો. સ્ટ્રેસ બોલ એ ફ્લેક્સિબલ બોલ છે જેને ગુસ્સા આવે ત્યારે સરળતાથી હાથ વડે દબાવીને ગુસ્સાને શાંત કરી શકાય છે. આ બોલ ગુસ્સાને નિયંત્રણમાં રાખવામાં ખૂબ મદદગાર થઈ શકે છે.

આંખો બંધ કરો અને ઊંડો શ્વાસ લો

જ્યારે પણ તમને ગુસ્સો આવે, ત્યારે તમારી આંખો બંધ કરો અને લાંબા, ઊંડા શ્વાસ લો અને શ્વાસ બહાર કાઢો. આવું ઓછામાં ઓછું 8થી 10 વાર કરો. તેનાથી ગુસ્સાને ઘણી હદ સુધી શાંત કરી શકાય છે. યાદ રાખો કે ગુસ્સો આવવો એ એક કુદરતી પ્રક્રિયા છે પણ તેને કાબૂમાં રાખવો તમારા હાથમાં છે.

(નોધ: આરોગ્ય સંબંધિત લેખ વાચકના જ્ઞાન અને જાગૃતિ વધારવા માટે તૈયાર કરવામાં આવ્યો છે. ઉપરોક્ત લેખમાં દર્શાવેલ માહિતી વિશે વધુ વિગતો માટે તમારા ડોક્ટરની સલાહ લો.)

Related Articles

Stay Connected

485,000FansLike
550FollowersFollow

Latest Articles