દિવાળી પર દરેક વ્યક્તિ પોતાના ઘરની સફાઈ કરે છે. ઘરોને વિવિધ પ્રકારની સુશોભન વસ્તુઓથી શણગારવામાં આવે છે. એવું કહેવાય છે કે મા લક્ષ્મીનો વાસ સ્વચ્છ ઘરમાં જ હોય છે. આ વર્ષે દિવાળી 24 ઓક્ટોબર, સોમવારના રોજ ઉજવવામાં આવશે. આવી સ્થિતિમાં, જો તમે પણ સફાઈ અભિયાન શરૂ કર્યું છે, વાસ્તુ પ્રમાણે અમુક વસ્તુઓ છે જેને ઘર માંથી દૂર કરવાનું ભૂલશો નહીં, કારણ કે આવી વસ્તુથી માતા લક્ષ્મી નારાજ થઈ શકે છે.
જો તમને દિવાળીની સફાઈમાં આવી વસ્તુઓ દેખાય તો તરત જ કાઢી નાખો.
તૂટેલા વાસણો
વાસ્તુ અનુસાર તમારા રસોડામાં તૂટેલા કે ફાટેલા વાસણો ન હોવા જોઈએ. રસોડામાં આવા વાસણો રાખવાને શુભ માનવામાં આવતું નથી. તેથી, દિવાળીની સફાઈ દરમિયાન, તેમને તમારા ઘરની બહાર કાઢો. વર્ષમાં એકવાર તૂટેલા વાસણો બહાર કાઢવામાં કોઈ નુકસાન નથી.
ખંડિત ફોટોગ્રાફ્સ અને મુર્તિ
ઘણી વખત પૂજાઘરમાં દેવી-દેવતાઓની જૂની તસવીરો કે મૂર્તિઓ પડેલી હોય છે. વાસ્તુ શાસ્ત્ર અનુસાર આવી મૂર્તિઓ કે ચિત્રોની પૂજા કરવાથી દોષ થાય છે. દેવી-દેવતાઓની તૂટેલી મૂર્તિઓની પૂજા ક્યારેય ન કરવી જોઈએ. દિવાળી પહેલા આ મૂર્તિઓ અથવા ચિત્રોને પાણીમાં તરતા મુકો અને ઘરમાં નવી મૂર્તિઓ સ્થાપિત કરો.
ઘરમાં બંધ ઘડિયાળ ન રાખો
તમને જણાવી દઈએ કે ખરાબ કે બંધ ઘડિયાળ પણ તમારા ઘરની બહાર ફેંકી દેવી જોઈએ. બંધ થયેલી ઘડિયાળ ખરાબ સમય સૂચવે છે. ઘરની દીવાલ પર અટકેલી ઘડિયાળ ક્યારેય ન લટકાવવી જોઈએ. દિવાળીનો તહેવાર પોતાની સાથે નવી શરૂઆતનો સંદેશ લઈને આવે છે. આવી સ્થિતિમાં, ઘરમાંથી બંધ અથવા ખરાબ ઘડિયાળોને ફેકી દેવી જોઇએ.
ખરાબ બલ્બ ફેંકી દો
દિવાળીને રોશનીનો તહેવાર પણ કહેવામાં આવે છે. આવી સ્થિતિમાં તમારે ધ્યાન રાખવું જોઈએ કે ઘરનો કોઈ ખૂણો અંધારામાં ન રહે. દિવાળી પહેલા બાથરૂમ અને બાલ્કની વગેરેમાં ક્ષતિગ્રસ્ત બલ્બ બદલી નાખો. એવું કહેવાય છે કે જો ઘરના કોઈપણ ખૂણામાં અંધારું હોય તો દેવી લક્ષ્મી ક્રોધિત થઈને પાછા ચાલ્યા જાય છે. તેથી ખરાબ બલ્બ કે લાઇટથી સંબંધિત વસ્તુઓનું ખાસ ધ્યાન રાખો.
(નોંધઃ આ લેખ પ્રચલિત માન્યતાઓ પર આધારિત છે. તેના કોઈ વૈજ્ઞાનિક પુરાવા નથી. લોકોની જાણકારી માટે તેને અહીં રજૂ કરવામાં આવ્યો છે.)
