જેમ-જેમ હવામાન બદલાઈ રહ્યું છે, તેમ-તેમ શરીરમાં ઘણા ફેરફારો દેખાવા લાગ્યા છે. આ ઋતુમાં ઘણા લોકોને તેમની ત્વચા પર ખંજવાળની સમસ્યા થવા લાગે છે. જો કે આ સમસ્યા માટે માર્કેટમાં અનેક પ્રકારની પ્રોડક્ટ્સ ઉપલબ્ધ છે, પરંતુ ઘણા લોકો માર્કેટમાં ઉપલબ્ધ આ પ્રોડક્ટ્સ પર વિશ્વાસ કરતા નથી. આવી સ્થિતિમાં તેઓ ઘરેલુ વસ્તુઓનો ઉપયોગ કરીને આ સમસ્યામાંથી છુટકારો મેળવવા માંગે છે.
જો તમે પણ એવા લોકોમાંથી એક છો જેમને ઘરેલું ઉપચારમાં વિશ્વાસ છે, તો આ લેખ તમારા માટે છે. આ લેખમાં, અમે તમને શરીરની ખંજવાળથી છુટકારો મેળવવા માટેના કેટલાક ઘરેલું ઉપચાર વિશે જણાવવા જઈ રહ્યા છીએ, જેથી તમે પણ વધુ પૈસા ખર્ચ્યા વિના આ સમસ્યામાંથી રાહત મેળવી શકો. આ ઉપાયો અપનાવવા માટે તમારે વધારે કંઈ કરવાની જરૂર નહીં પડે. તો ચાલો જાણીએ તેના વિશે.
લીમડાના પાંદડા
તમને ભારતની દરેક શેરી અને વિસ્તારમાં લીમડાનું મોટું વૃક્ષ જોવા મળશે. તેના પાંદડા ઘણા કિસ્સાઓમાં ખૂબ મદદરૂપ છે. ખાસ કરીને જો બદલાતા હવામાનમાં ખંજવાળ તમને પરેશાન કરી રહી હોય તો તમે નહાવાના પાણીમાં લીમડાના પાન ઉમેરી શકો છો.
આ રીતે ઉપયોગ કરો
લીમડામાં એન્ટિ-બેક્ટેરિયલ અને એન્ટિ-માઇક્રોબિયલ ગુણો જોવા મળે છે. આવી સ્થિતિમાં નહાવાના પાણીમાં લીમડાના પાનનો ઉપયોગ કરવા માટે તમારે લીમડાના પાનને પીસીને તેનો અર્ક કાઢવો પડશે. હવે તમે આ અર્કને નહાવાના પાણીમાં નાખી શકો છો. થોડા દિવસોમાં તમને તેની અસર દેખાવા લાગશે.
સરકો
જો તમે ઘરમાં સરફરજનનો સરકો રાખો છો. તો પણ તમે શરીરમાં શુષ્કતાથી રાહત મેળવી શકો છો. તેમાં રહેલા તત્વો તમને થોડા દિવસોમાં શરીરની ખંજવાળથી રાહત અપાવી શકે છે.
આ રીતે ઉપયોગ કરો
સરફરજનનો સરકાનો ઉપયોગ કરવા માટે તમારે માત્ર નહાવાનું પાણી લેવું પડશે અને તેમાં એપલ સીડર વિનેગરના 2 ટીપાં નાખવા પડશે. હવે તેને સારી રીતે મિક્સ કરો અને આ પાણીથી સ્નાન કરો. આનાથી તમને ચોક્કસ ફાયદો થશે.
એન્ટિ-બેક્ટેરિયલ સાબુ
જો તમારી પાસે આ પ્રકારનું કામ કરવા માટે સમય નથી, અને તમે એક સરળ વિકલ્પ શોધી રહ્યા છો, તો તમને બજારમાં ઘણા પ્રકારના એન્ટી-બેક્ટેરિયલ સાબુ મળશે. તમે સ્નાન કરીને પણ આ સમસ્યાથી છુટકારો મેળવી શકો છો. જો કે, પાણીમાં વિનેગર અથવા લીમડાના પાનનો ઉપયોગ કરવાનો પ્રયાસ કરો.
(નોધ: આરોગ્ય સંબંધિત લેખ વાચકના જ્ઞાન અને જાગૃતિ વધારવા માટે તૈયાર કરવામાં આવ્યો છે. ઉપરોક્ત લેખમાં દર્શાવેલ માહિતી વિશે વધુ વિગતો માટે તમારા ડોક્ટરની સલાહ લો.)
